Frjádagur

Föstudagur í Svíalandinu og ég nýkominn úr system bolaginu, eða ríkinu. Ég keypti mér sænkan bjór, Norrlands Guld, þeir eru með svo skemmtilegar auglýsingar.  Og ég var beðinn um skilríki, það hefur ekki gerst í fimm ár.

Fór úr ríkinu með blendnar tilfinningar, Svíarnir eru svo klikkaðir. Kéllingin sem afgreiddi mig vildi ekki taka visa kortið mitt sem gilt skilríki, þrátt fyrir fína homma mynd af mér og kennitölu, en hún sleppti mér í gegn eftir smá nöldur. Ég er líka tuttugu og fimm ára.

Við sáum íkorna í gær, bráðgáfaðan íkorna. Hann var að fara yfir götu. Fyrst leit hann til beggja hliða, beið síðan eftir að bíll sem var á leiðinni færi framhjá og rölti svo yfir þegar öllu var óhætt, meira að segja á gangbraut. Geri aðrir betur.

En lítið að frétta.  Fögnum föstudegi bara með Tyrkja pizzu og bjór, fjármögnuðu með dósapening. 

Að lokum vil ég vil tilynna að ég hef ákveðið að halda með Svíþjóð í Júróvisjón (ég hef farið í sleik við söngvarann), en lagið þeirra er bráðskemmtilegur glamrokk slagari sem ég hvet lesendur mína til að hlusta á, en það má finna á MySpace-inu mínu.

Athugasemdir

[Gunnar J. (IP-tala skráð) 20.4.2007 kl. 17:54]

Hahaha.. Sænskir íkornar eru klárlega snillingar!!!

Annars langar mig að heyra þessa sænsku sleik-sögu sem fyrst! Næsta færsla?

[Einar Ísaksson, 20.4.2007 kl. 18:39]

Ísak er nú gott nafn, eins og á honum pabba gamla. En tekur þú herra Ísak erkilengill með þér vegabréf í ríkið ? ?  Hélt ekki!!  Ef maður sýnir debbann sinn heima þá er það bara gott og gilt, enda mynd og kennitala.

[Katrín Halldórsdóttir (IP-tala skráð) 27.4.2007 kl. 17:36]

Ruslóstvörn: Hver er summan af þremur og níu?  Þetta þykir mér gott framlag hér í bloggheiminum, efla starðfræðigáfur okkar Íslendinga.

 Gaman að heyra að þú sért að stunda sleikinn í svíalandi, enda þykir það afar hressandi um helgar að bregða sér í einn slíkann.  Og það er alltaf saga til næsta bæjar þegar sleikur á sér stað.  Endilega segðu okkur betur frá sleiksförum þínum félagi.